En son içerik ekleyen üyeler(resimli) | Hemen üye ol, seçkin bir ortama katıl!
eynazendeeynazende
, Kırşehi
mahmutcantekinmahmut...
, ADIYAMAN/
pamukkalepamukkale
43, denizli
hasan hüseyin bayarhasan ...
52, istanbul
6666
56, Ankara
durak41durak41
61, kocaeli
Sadık YılmazSadık...
36, İSTANBL
drozakdrozak
48, yalova

Ya min tu nedîtiye

Bo te ya min tu nedîtî, lavija min

Vê şevê bi tenê me
Li kolanên mijgirtî
Niha demê wê ye were,
ji kerba diçim û têm,
bibêje, were
dema wê ye, bibêje..
ya min tu nedîtiye.

Birînên min demeke tirsê ne
Asîman li ber lingê te dîlanê digerîne
Sirûdên min, sermemikên xewna te dinoşin,
li nav xewnên min,
kenê te ayet e, li pişt derî ye.

Tiliyên te, sîberên westiyayî
zimanekî nepenî
hêlîn di dilê min de.
Dar e, li ser sîtava lêvên min
weha dûr e
weha êş e
weha çol û beyar e
weha ken e
û weha ya min tu nedîtiye.

Ferîşte ye, hêviyên xwe li ser evîna me radixe.
Tîpên tirsa min, di valahiya ewrekê de,
têkilî pêlên derya dibin.
Tav û birûsk in, şev
Poşmaniya keskesorê, kevalê rêka kadiza
Ji bo diyonîsos, bilûra xwe dilorênim
Stirana berê spêdê di meya lêvên te de, dimijim
Jiyana min, li ber destê Hephaistos, dibe toz.
Pêl xwe davêje ser pêlê.
Bêdeng… bêdeng
Tu wêneyekî di helbesta min de.

De were keleşgewra min
Şev e, zimanekî bêdeng e
Şeva min bi girnijîna xwe bixemilîne.
Sal, heft asîmanan mijankên te vedihûne
Tu dûr î,
mirin jî kêfa xwe dike
havîn dide pey Buharê,
têm,
stiriyên salê tazî ne.

Stirana Orpheus xemên min dirêse
rondikên te, li xewna min mêvan in.
E.mail bo te têra evîna min nakin.
Dergeh vekirî ne
Xêzên ronîdar hene.
Di sîtava belgan de
Tîrêjên hetavê hatin.
Toz bi ser xewnên me de,
mêrgên asîman î reş.

Li ser dêmên van şevan, gula min
Şûşa dengê te nivist,
Tawisê min,
Govenda te awaza li xemên min û te giryan.
Li nav sîtava lêvên min, darekê biçîne
Weha dûr
Çol
Êş
Ken
Û weha
Ya min tu nedîtiye.

Divêt tu rijd bî,
Roj derdikeve.
Aso vekirî ye
Were dilbera min
Were
Ya min tu nedîtiye.

Tengezarê Marînî

Hêj ray nehatiye dayîn

Comments

Very true! Makes a change to see smoeone spell it out like that. :)

Post new comment

(If you're a human, don't change the following field)
Your first name.
The content of this field is kept private and will not be shown publicly.
 
CAPTCHA
This question is for testing whether you are a human visitor and to prevent automated spam submissions.
Image CAPTCHA
Enter the characters shown in the image.